Појадок. Нашата програма ќе ве поведе во самата душа на Неапол, историското јадро, едно од најстарите континуирано населени места во светот: Плоштадот Данте, плоштадот Белини, Via dei trinunali, Via dei Presepi… Ќе ја доживеете префинетата елеганција на архитектурата од неговите кралски денови и монументалноста на развојот од 19тиот Век, Кралската палата, Плоштадот, Plebiscito, Castel Nuovo, Галеријата Умберто Први, a ќе ве поведеме и во внатрешноста на наполитанската гордост, операта Сан Карло, најстарата активна оперска куќа во светот. Ќе обезбедиме и можност за влез во мистериозниот музеј Сан Северо каде се наоѓа една од најспектакуларните барокни скултури, Christo velato, на меѓата меѓу алхемиско чудо и уметничко ремек дело.

Неапол се врежува во душата, но со малку гастрономски хедонизам и доволно апетит, засекогаш ќе се вреже и во вашите сетилата за вкус и мирис. Овде гастрономското доживување е врвно, а за секој џеб. Домот на италијанската пица, ќе понуди и Parmigiana di melanzane (печени модри домати, со сос од домати, моцарела и пармезан), Ziti al ragu Napoletano (јуфки со наполитански рагу сос), Spaghetti alle Vongole (Шпагети со школки и сос од лук и магдонос), Наполитански фишек полн со крцкаци пржени морски плодови и/или пржен зеленчук, пржена пица, а за десерт Sfogliatella со слатко рикота сирење, Baba al rum со лимонечо и горко наполитанско кафе. Слободно време за вечера и шопинг. Ноќевање.